Daxili İşlər Nazirliyi (DİN) Baş Narkotiklərlə Mübarizə İdarəsinin əməkdaşları tərəfindən narkotik vasitə və psixotrop maddələrin qanunsuz dövriyyəsi, kultivasiyası, sosial şəbəkələrdə onlayn yolla satışı ilə məşğul olan şəxslərin aşkar edilərək məsuliyyətə cəlb edilmələri istiqamətində növbəti əməliyyatlar həyata keçirilib.
Yasamal, Xətai, Nizami, Nərimanov və Xəzər rayonlarında həyata keçirilən əməliyyatlar Baş İdarənin sosial şəbəkələrdəki yeni yaradılan səhifələrinə ayrı-ayrı vətəndaşlar tərəfindən göndərilən məlumatlar əsasında baş tutub.
Əməliyyatlar zamanı “patı”, “şüşə” kimi tanınan psixotrop maddə metamfetaminlər aşkar olunub.
Müxtəlif ərazilərdə qanunsuz əməllərə yol verən 19 nəfər saxlanılıb.
DİN həmin məlumatları göndərən şəxslərə Baş İdarə adından təşəkkürünü bildirir.
<embed width="640" height="360" src="https://player.olke.az?v=&share_user_id=" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen></embed>
