Gəncə Şəhər İcra Hakimiyyətinin keçmiş başçısı və polis əməkdaşlarına qarşı əvvəlcədən planlaşdırılmış terror aktı törətməkdə təqsirləndirilən Yunis Səfərov də daxil olmaqla 12 nəfər dəstə üzvünün cinayət işi üzrə ekspertiza rəyi məlum olub.
Bu barədə “Ölkə.Az”a vəkil Cavad Cavadov məlumat verib.
Onun sözlərinə görə, Gəncə Şəhər İcra Hakimiyyətinin sabiq başçısı Elmar Vəliyevlə bağlı ekspertiza rəy verib ki, sui-qəsd nəticəsində psixi pozğunluq durumu yaranıb və məhkəmədə dindirilməsi vəziyyətinin pisləşməsinə səbəb ola bilər.
Bu iş üzrə növbəti məhkəmə iclası iyulun 15-nə təyin edilib.
