Deputat Tahir Kərimli dövlət büdcəsinin icrasındakı çatışmazlıqlardan danışıraq büdcə xərclərinin səmərəli istifadə edilməsinin zəruriliyini dilə gətirib.
"Deputat Tahir Kərimli parlamentdə həmkarlarının korrupsiya, rüşvətxorluq, məmurların öz səlahiyyətlərini layiqincə yetirməməsi ilə bağlı qaldırdığı fikiləri təsdiqləyərək əlavə edib.
"İndi biz seçicilərlə görüşə gedəcəyik və onlar bizdən bütün problemlərinin həllini tələb edəcəklər. Biz isə onlara deməyə sözümüz yoxdur. Aciz vəziyyətdə qalırıq. Seçici probleminin həllini bizdən tələb edir, sizdən yox. Onlara biz sinə gəririk. Çünki kəndlərə getmirsiniz, əhalinin qabağına çıxmırsınız, ona görə də insanlar işi, maaşı, xəstəsinin müalicəsini bizdən tələb edir".
Deputat bildirib ki, parlamentarilər bu yükü götürür: “Amma biz burada nəsə deyəndə məmur inciyir. Elə bilir, subyektiv nəsə istəyirik. Siz çıxın xalqın qarşısına, bizə deyilənlər sizə deyilsin”.
O eyni zamanda əlavə edib ki, büdcə hazırlanarkən qarşıdakı 20-30 il nəzərə alınmalıdır: "Daha çox təhsilə diqqət yetirilməlidir".
