Cəlilabad Rayon Polis Şöbəsinin rəisi polkovnik Mübariz Quliyev - Şuşa Bəyannaməsi iki dövlət - Türkiyə və Azərbaycan arasında konfederativ dövlət quruculuğu istiqamətində atılmış çox mühüm bir addımdır. Hesab edirəm ki, xüsusilə hərbi və milli təhlükəsizlik məsələlərini özündə əks etdirən və birgə fəaliyyəti, koordinasiya olunmuş fəaliyyəti özündə əks etdirən bu sənəd Türkiyə və Azərbaycanın konfederativ dövlət olması yolunda mühüm addım olmaqla üzləşə biləcəkləri istənilən üçüncü qüvvə tərəfindən təhdidlərə birgə, qarşılıqlı kömək və yardım əsasında, birgə iştirak və birgə mübarizənin həyata keçirilməsini nəzərdə tutur. Bu baxımdan hesab edirəm ki, çox tarixi bir sənəd imzalanıbdır. Bu sənədin imzalanması ilə bundan sonra istənilən təhdidlərə qarşı Azərbaycan dövləti, Azərbaycan xalqının gücü ilə yanaşı həm də Türkiyə dövlətinin, xalqının gücünü yanımızda hiss edəcəyik.
Ərdoğan açıq şəkildə bəyan etdi ki, Şuşa Bəyannaməsi heç bir üçüncü dövlətə qarşı imzalanmış razılaşma sənədi deyil. Bildirildi ki, biz Qafqazda fəaliyyətimizi, Qafqazda sülh prosesinin təmin olunması istiqamətindəki addımlarımızı, eyni zamanda kommunikasiya layihələrinin həyat keçirilməsi istiqamətindəki fəaliyyətimizi Rusiya prezidenti Vladimir Putinlə və Rusiya tərəfi ilə məsləhətləşmələr, qarşılıqlı razılaşmalar əsasında həyata keçiririk. Bütün bunlar onu göstərir ki, Şuşa Bəyannaməsi regiona çox böyük bir iqtisadi inkişaf, stabillik və davamlı sülh gətirəcək.
Milli-mədəni irsimizin qorunub-saxlanmasında və gələcək nəsillərə ötürülməsində bir sıra təqdirəlayiq dini və ənənəvi ritualları özündə əks etdirən bayramlarımızın rolu böyükdür. Hansı ki, bu bayramlar insanları mərhəmətə, birliyə, yardımlaşmağa və ənəsas uca Allah ilə mənəvi yaxınlığa sövq edir.
Hələ İslamdan çox öncə İbrahim peyğəmbər və sevimli oğlu İsmayılın adı ilə bağlı olan müqəddəs Qurban bayramı bütün İslam dünyasında qeyd edilir. Allaha xatir sevimli oğlunu qurban etməyə hazır olan İbrahim peyğəmbərə Rəbbimizin qoç göndərməsi- bu ənənənin təməlində böyük fəlsəfi məna olduğunu göstərir. İmanı artıran, qəlbləri aydınladan Qurban bayramı həm də tolerantlıq ənənələri ilə fərqlənir. Allaha xatir kəsilən qurbanlar (qoç, qoyun, dəvə) bərabər miqdarda olmaqla paylanılır, burada insanların hansı dindən, hansı milli mənsubiyyətdən olduğu önəmli deyil. Məqsəd birləşmək, yoxsulun halından anlamaq, yardımlaşmaq, ənənəmizi qoruyub, miras kimi yaşatmaqdır. Qurban bayramı hər il Hicri təqvimi ilə zilhiccə ayının 10-cu günündən başlayır və iki gün davam edir. Cari ildə Qurban bayramı iyul ayının 20-si və 21-i tarixlərində qeyd olunacaq.
Azərbaycan Respublikası müstəqillik qazandıqdan sonra Ümummilli lider Heydər Əliyevin də qeyd etdiyi kimi milli kimliyimiz, milli mənliyimiz yenidən özümüzə qayıtdı. Məhz buna ən bariz nümunələrdən biri 1992-ci il 27 oktyabr tarixində “Azərbaycan Respublikasının bayramları haqqında” Qanuna əsasən Qurban bayramı rəsmi olaraq dövlət səviyyəsində qeyd olunmağa başladı.
Məlumdur ki, mənfu düşmənlərimiz 30 ilə yaxın bir tarixi dövr ərzində Qarabağ və ətraf ərazilərimizi işğal altında saxladılar. Bir çox milli-mənəvi sərvətlərimizi, abidələrimizi məhv etdilər. Ancaq Ali Baş Komandan Cənab İlham Əliyevin rəhbərliyi ilə Müzəffər Azərbaycan Ordusu bu işğala son qoydu. Qarabağ və ətraf ərazilər yenidən anamız Azərbaycana qovuşdu. Hərbirimizin ən çox eşitdiyi kəlimələri xatırlatmaq istəyirəm: “Qarabağımız işğaldan azad olsun 7 qurban kəsəcəyəm”, “Bayrağımız Şuşada dalğalansın Allaha xatir qurban demişəm”.
Bəli, xalqımız bu müqəddəs arzusuna çatdı, vüsala yetişdi. İgid oğullarımızın qanı-canı bahasına azad olunmuş Şuşamızda bu qurbanlar bu il daha da təmtəraqlı kəsiləcək. 3000-ə yaxın şəhidimizin ruhuna dualar oxunacaq, kəsilən qurbanlar insanların qəlbinə daha çox fərahlıq gətirəcək. Biz Qalib Ölkənin gözəl bir ənənəsini, milli-mənəvi mirasını yaşadırıq.